КАКО ДА ОДБЕРАМ СООДВЕТНИ СКИИ

Избрав проданвница за скии, сега што?

Oдбравте продавница и сега вработените ве прашуваат дали сакате специфични скии или тие да изберат за вас според вашите потреби и насоки. Ако порано не сте скијале и немате идеја што сакате, најдобро е да ги оставите вработените да избираат наместо вас, според прашањата кои ви ги поставиле. Но, ако сте личност што сака да истражува пред да  купи, тогаш прочитајте понатаму. Треба да обрнете внимание на следниве три карактеристики ако сакате да изберете најсоодветни скии:

1. ВИСИНА

Почетници:

Висината на скиите треба да биде до некаде околу брадата.

Пократки скии ќе ви бидат помалку стабилни, додека со подолги ќе ви биде потешко да вртите.

Средно ниво: Значи дека скијате веќе извесно време и сте ги совладале техниките.

Висината на скиите треба да биде некаде помеѓу брадата и носот. За ова ниво на скијачи потребно е ските да бидат подолги заради поголемите брзини што се постигнуваат во однос на почетниците. Секако, во оваа фаза треба да внимавате и на вашата тежина. Доколку вашата тежина е поголема од просечната за вашата висина тогаш треба да земете нешто подолги скии, додека доколку вашата тежина е помала тогаш треба да земете пократки скии. Исто така многу е важен стилот на скијање кој го сакате и го практикувате.  Доколку скијате со повеќе вртења (слалом) тогаш треба да земете пократки скии бидејќи со нив се прават многу побрзи вртења.

Доколку уживате во “поголеми” брзини, тогаш треба да изберете малку подолги скии бидејќи се постабилни.

Доста од скијачите кои го достигнале ова скијачко ниво сакаат да се испробаат во скијање надвор од означените стази, т.н. “Freeride” скијање. Доколку размислувате за овој вид на скијање треба да изберете скии кои се декларирани за “Freeride” скијање. Овој тип на скии се пошироки од стандардните скии, а висината која треба да ја изберете е 5-15цм повисоки од вас во зависност од условите на теренот на кој мислите да скијате.

2. ТВРДИНА

Различни скии варираат во тоа колку се тврди. Нема точен индекс за тврдост кај скиите, но тие обично се поделени на меки, средни и тврди.

Почетници:

Меките скии се подобро прилагодени за почетници. Со помеките скии може полесно да се врти и повеќе “простуваат” грешки доколку вашата техника не е толку добра. Недостаток е тоа што можат да бидат нестабилни при поголема брзина.

Средно ниво:

Скијачите од средно ниво треба да бараат потврди ски. Колку се потврди скиите, толку повеќе контрола имате при поголема брзина. На скијачките трки се возат најтврдите скии, затоа што треба да можат да го држат “работ” на скиите цврст на брзини над 100 км на час на чист мраз.

3. РАДИУС НА ВРТЕЊЕ (SIDECUT)

Радиусот на вртење одредува колку долги ќе бидат вртењата на скијањето ако скијате “carving”. Исто така ви дава претстава дали скијата е добра за брзи и кратки вртења или  за “carving” скијање со поголема брзина.

Почетници:

Нашиот предлог се скии со помал радиус на вртење, околу 13-14м. Ако штотуку започнувате со скијање, нема да правите долги “carving” вртења и треба да барате скии со кои е најлесно може да се врти.

Средно ниво:

Нашиот предлог се скии со малку подолг радиус на вртење, така што ќе можете да започнете да учите “carving” скијање и да направите подолги вртења.

Доколку сте почетник, наш совет е да побарате совет во продавницата за да можат вработените да ви предложат што е најдобро за вас според вашите потреби. Честопати се случува луѓето да купат скии за трки и да се жалат колку се лоши само затоа што не можат да ги “скијаат” онака како што треба.